"Ювентус" "Ривер Плейт" ҳужумчиси Жулиан Альваресга қизиқиш билдирмоқда, дея хабар берди "Goal" нашри.
Маълумотларга кўра, клублар аллақачон дастлабки музокараларни ўтказган, италян клуби 21 ёшли аргентиналик учун 15 миллион евро тўлашга тайёр ва келишувга 10 миллион евро миқдоридаги бонус пуллари ҳам киритилган. Шу билан бирга, Аргентина клуби футболчини 20 миллион евродан кам суммага қўйиб юбормоқчи эмас.
Бутун фаолияти давомида Альварес "Ривер Плейт" учун 90та ўйинда майдонга тушиб, 31та гол ва 23 голли узатмани амалга оширган. "Transfermarkt.com" портали футболчининг нархини 20 миллион еврога баҳоламоқда.
