"Kanonirlar" qishki transferlar vaqtida hujum chizig‘ini kuchaytirish niyatida.

"The Sun" nashrining xabariga ko‘ra, "Arsenal" "Real Madrid" klubi hujumchisi Luka Yovichni qishki transferlar vaqtida sotib olmoqchi. Buni shaxsan "to‘pchilar" bosh murabbiyi Mikel Arteta istamoqda.

Ma’lumotlarga ko‘ra, "qaymoqranglilar" safida kam o‘yin amaliyoti olayotgan serb futbolchisi ham jamoasini o‘zgartirishga qarshi emas. "Arsenal" Yovichni Dushan Vlaxovich o‘rniga alternativ variant deb hisoblamoqda.

Joriy mavsum 23 yoshli hujumchi madridliklar uchun La Liganing 5 o‘yinida maydonga tushib, 1 golga assistentlikni amalga oshirdi.