Portugaliya terma jamoasi bosh murabbiyi Fernandu Santush o‘zining kelajagi borasida to‘xtalib o‘tdi.
– Serbiyaga qarshi o‘yindagi mag‘lubiyatdan so‘ng Siz Portugaliya futbol federasiyasi rahbari Fernandu Gomesh bilan iste’fo haqida gaplashdingizmi?
– Yo‘q, bu haqda o‘ylab ham ko‘rmadim. Men Gomesh bilan 2014 yilda gaplashganimda, agar oldimga qo‘yilgan vazifalarni uddalay olmasam, hech bir gap-so‘zsiz o‘sha kunning o‘zidayoq jamoadan ketishimni aytib o‘tgandim.
Men oldimga qo‘yilgan vazifalarni bajarib keldim. Biz 3 marta yirik musobaqalarda ishtirok etdik. Ha, bu galgisiga to‘g‘ridan-to‘g‘ri yo‘llanmani qo‘lga kirita olmadik. Ammo Portugaliya necha marta pley-offda ishtirok etgan? Turnirlarning final bosqichiga chiqolmay qolgan paytimiz bo‘ldimi?
– Terma jamoa JCH-2022ga chiqa olmasa, iste’foga chiqasizmi?
– Bunday bo‘lmaydi. Agar shunday voqea yuz bersa, men kutaman.