«Milan» hujumchisi Zlatan Ibragimovich Italiya klubi bilan 2023 yilgacha shartnoma imzolashga tayyor, deya xabar beradi La Gazzetta dello Sport.
Manbaga ko‘ra, 40 yoshli futbolchining «rossonerilar» bilan yangi shartnomasi 2023 yilning yoziga qadar hisoblab chiqiladi. Amaldagi kelishuv 2022 yilning yozida yakuniga yetadi.
«Milan» shuningdek, Teo Ernandes, Rafael Leau va Ismoil Bennasser bilan ham shartnomani uzaytirmoqchi.
Joriy mavsumda Ibragimovich 8 ta o‘yinda maydonga tushib, 3 ta gol urdi.