Londonning «Tottenxem» klubi bosh murabbiyi Antonio Konte nima uchun ketchup va mayonez iste’mol qilishni taqiqlaganini tushuntirdi. Xuddi shunday holat italiyalikning «Chelsi»dagi faoliyati davomida ham sodir bo‘lgandi.
"Men murabbiylik qilgan har bir klubda ovqatlanish bo‘yicha mutaxassisim bor va bu jihatlar muhim. Siz to‘g‘ri vaznni saqlashingiz kerak, ya’ni kerakli miqdordagi yog‘ va mushaklarni ushlab turish kerak. Futbolchilar professional bo‘lishlari kerak.
Professional bo‘lish tanangizni nazorat qilishni anglatadi. Agar shunday qilsangiz, jarohat olish xavfi kamroq bo‘ladi. Siz mashaqqatli mashg‘ulotlarga ham tayyor bo‘lasiz", - dedi Konte.
