«Barselona» bosh murabbiyi Xavi Ispaniya chempionatining 14-turi doirasida bo‘lib o‘tgan «Espanyol»ga qarshi o‘yin (1:0) borasida o‘z fikrini bildirib o‘tdi. Mazkur bahs Xavi uchun "ko‘k-anorranglilar" boshqaruvidagi debyut uchrashuv bo‘ldi.

«Xursandman. O‘yin davomida qiynaldik, ammo hozirda oson g‘alabaning o‘zi yo‘q va bo‘lishi ham mumkin emas. O‘sishda davom etishimiz kerak. Fanatlarning qizg‘in qo‘llab-quvvatlashi bizga kuch berdi va jamoa bor kuchini sarfladi.

Biz yaxshiroq o‘ynaymiz, yaxshi hujum tashkil qilamiz. Bugun esa muhim bo‘lgan 3 ochkoni qo‘lga kiritdik. Birinchi bo‘limda vaqti-vaqti bilan yaxshi harakat qildik, ammo ochiq hududlar paydo bo‘lganida qanday harakat qilishni har doim ham bilmadik. Hali qiladigan ishlarimiz ko‘p. Ishni g‘alaba bilan boshlaganingda, uyog‘i osonroq ketadi», – dedi Xavi.