«Барселона» бош мураббийи Хави Испания чемпионатининг 14-тури доирасида бўлиб ўтган «Эспаньол»га қарши ўйин (1:0) борасида ўз фикрини билдириб ўтди. Мазкур баҳс Хави учун "кўк-анорранглилар" бошқарувидаги дебют учрашув бўлди.

«Хурсандман. Ўйин давомида қийналдик, аммо ҳозирда осон ғалабанинг ўзи йўқ ва бўлиши ҳам мумкин эмас. Ўсишда давом этишимиз керак. Фанатларнинг қизғин қўллаб-қувватлаши бизга куч берди ва жамоа бор кучини сарфлади.

Биз яхшироқ ўйнаймиз, яхши ҳужум ташкил қиламиз. Бугун эса муҳим бўлган 3 очкони қўлга киритдик. Биринчи бўлимда вақти-вақти билан яхши ҳаракат қилдик, аммо очиқ ҳудудлар пайдо бўлганида қандай ҳаракат қилишни ҳар доим ҳам билмадик. Ҳали қиладиган ишларимиз кўп. Ишни ғалаба билан бошлаганингда, уёғи осонроқ кетади», – деди Хави.