"Bavariya"ning hujumkor yarim himoyachisi Leroy Sane Chempionlar ligasi guruh bosqichidan o‘rin olgan Kiyev "Dinamo"siga qarshi o‘yin oldidan OAV vakillari savollariga javob berdi.
"Koronavirus bilan bog‘liq vaziyat? Biror narsa sodir bo‘lganda, biz bu haqda gaplashamiz, lekin bu bizga ta’sir qilmaydi. Biz bor e’tiborimizni o‘yinlarga qaratib, 100% o‘zimizni uchrashuvlarga qaratishni istaymiz. Bizda juda yaxshi tarkib bor. Futbolchilar vaziyat qanday ekanini bilishadi.
Men negativlikni ijobiy energiyaga aylantirishga harakat qilaman. Hozir o‘zimni juda yaxshi his qilyapman, yaxshi formadaman. Keyingi o‘yinlarda tezligimdan foydalanmoqchiman. Vaksina? Men o‘zim emlanganman. Serj Gnabri bilan bu haqda qisqacha gaplashdim. Maydonda biz birga bo‘lishimizni istayman. Karantindagi futbolchilar biz uchun muhim futbolchilar. Lekin men ularning emlanmaslik qarorini hurmat qilaman”, – dedi Sane.
