"Бавария"нинг ҳужумкор ярим ҳимоячиси Лерой Сане Чемпионлар лигаси гуруҳ босқичидан ўрин олган Киев "Динамо"сига қарши ўйин олдидан ОАВ вакиллари саволларига жавоб берди.
"Коронавирус билан боғлиқ вазият? Бирор нарса содир бўлганда, биз бу ҳақда гаплашамиз, лекин бу бизга таъсир қилмайди. Биз бор эътиборимизни ўйинларга қаратиб, 100% ўзимизни учрашувларга қаратишни истаймиз. Бизда жуда яхши таркиб бор. Футболчилар вазият қандай эканини билишади.
Мен негативликни ижобий энергияга айлантиришга ҳаракат қиламан. Ҳозир ўзимни жуда яхши ҳис қиляпман, яхши формадаман. Кейинги ўйинларда тезлигимдан фойдаланмоқчиман. Вакцина? Мен ўзим эмланганман. Серж Гнабри билан бу ҳақда қисқача гаплашдим. Майдонда биз бирга бўлишимизни истайман. Карантиндаги футболчилар биз учун муҳим футболчилар. Лекин мен уларнинг эмланмаслик қарорини ҳурмат қиламан”, – деди Сане.
