«Vilyarreal»ning ispaniyalik himoyachisi Pau Torres o‘tgan yozda «Tottenxem» taklifi haqida gapirdi.

«O‘z shahrim jamoasi bilan Chempionlar ligasida o‘ynash imkoniyati bundan ham ko‘proq. Klub prezidenti menga bosim o‘tkazmadi, garchi klub katta pul ishlab olishi mumkin edi. Men buni qadrladim», - dedi Torres.

Avvalroq, «Tottenxem» Torres uchun «Vilyarreal»ga 65 million tovon puli taklif qilgani, biroq futbolchining o‘zi ko‘chib o‘tishdan bosh tortgani xabar qilingandi.

Joriy mavsumda ispaniyalik futbolchi La Ligada 10 ta o‘yin o‘tkazib, 1 ta gol urishga erishdi.