«Вильярреал»нинг испаниялик ҳимоячиси Пау Торрес ўтган ёзда «Тоттенхэм» таклифи ҳақида гапирди.
«Ўз шаҳрим жамоаси билан Чемпионлар лигасида ўйнаш имконияти бундан ҳам кўпроқ. Клуб президенти менга босим ўтказмади, гарчи клуб катта пул ишлаб олиши мумкин эди. Мен буни қадрладим», - деди Торрес.
Аввалроқ, «Тоттенхэм» Торрес учун «Вильярреал»га 65 миллион товон пули таклиф қилгани, бироқ футболчининг ўзи кўчиб ўтишдан бош тортгани хабар қилинганди.
Жорий мавсумда испаниялик футболчи Ла Лигада 10 та ўйин ўтказиб, 1 та гол уришга эришди.
