Dortmundning «Borussiya» klubi hujumchisi Erling Xolland qaysi klubga o‘tishni istayotgani ma’lum bo‘ldi.

Goal.com nashri xabariga ko‘ra, norvegiyalik futbolchi uchun ustuvor variant «Real Madrid».

Biroq 21 yoshli futbolchi hali o‘z kelajagi borasida yakuniy qarorga kelgani yo‘q, shuning uchun «Manchester Siti», «Manchester Yunayted», «Chelsi» va «Liverpul» uni «Tumanli Albion»ga jalb qilishdan umidini yo‘qotmayapti.

Joriy mavsumda Xoland «Borussiya» safida 10 ta o‘yin o‘tkazib, 13 ta gol urdi va 4 ta golli uzatmani amalga oshirdi. Uning bozor qiymati 150 million yevroni tashkil qiladi.