Дортмунднинг «Боруссия» клуби ҳужумчиси Эрлинг Холланд қайси клубга ўтишни истаётгани маълум бўлди.

Goal.com нашри хабарига кўра, норвегиялик футболчи учун устувор вариант «Реал Мадрид».

Бироқ 21 ёшли футболчи ҳали ўз келажаги борасида якуний қарорга келгани йўқ, шунинг учун «Манчестер Сити», «Манчестер Юнайтед», «Челси» ва «Ливерпул» уни «Туманли Албион»га жалб қилишдан умидини йўқотмаяпти.

Жорий мавсумда Холанд «Боруссия» сафида 10 та ўйин ўтказиб, 13 та гол урди ва 4 та голли узатмани амалга оширди. Унинг бозор қиймати 150 миллион еврони ташкил қилади.