"Nyukasl" ketidan endi "Chelsi" va "Manchester Siti" ham Darvin Nunyes uchun kurashga kirdi. Xabarlarga ko‘ra, "Benfika" futbolchisi APL gigantlari e’tiborida turibdi.

22 yoshli hujumkor futbolchi bu mavsumda ajoyib o‘yin ko‘rsatmoqda. U YECHL bahslarida 3ta gol urishga erishdi va bu gollar "Barselona" hamda "Bavariya" darvozalariga kiritildi.

Shuningdek, u Portugaliya chempionatida 9ta o‘yinda 7ta golda ishtirok etgan. Nunyes Urugvay terma jamoasi a’zosi hisoblanadi. Futbolchi hozirgacha terma jamoada 6ta o‘yin o‘tkazib, 2ta gol urishga erishdi.

"Benfika" o‘z futbolchisiga da’vogarlar uchun 50 million yevrodan past narx aytmoqchi emas. Nunyesga qiziqayotgan jamoalarda moliyaviy muammolar yo‘q. Bu esa uning narxini yanada oshishini ta’minlaydi.