"Everton"  ustozi Rafayel Benites "Liverpul"ga qarshi o‘yin oldidan o‘z fikrlari bilan o‘rtoqlashdi. U matbuot anjumanida shunday deydi:

"Men "Liverpul"ga qarshi "Nyukasl", "Chelsi" va hatto "Valensiya"ni boshqarganimda ham to‘qnash kelganman. Mana endi derbida, "Everton" bilan ularga qarshi maydonga chiqaman. Bu derbi, bu katta bahs va biz uchun imkoniyat hamdir. Biz ushbu o‘yin orqali mavsumni qolgan qismi uchun o‘zimizga yaxshi imkoniyat hozirlaymiz. So‘nggi yomon natijalardan keyin bizga uch ochko juda zarur bo‘lib turibdi. Buni qila olsak, mavsumda katta o‘zgarishlarga yo‘l ochgan bo‘lamiz. Bizga bunda muxlislar madadi juda ham kerak. Agar stadionda yaxshi atmosfera yarata olsak, o‘ylaymanki, g‘alabaga qodir bo‘lamiz. Ammo derbida har narsa sodir bo‘lishi mumkin".