"Эвертон" устози Рафаель Бенитес "Ливерпуль"га қарши ўйин олдидан ўз фикрлари билан ўртоқлашди. У матбуот анжуманида шундай дейди:
"Мен "Ливерпул"га қарши "Ньюкасл", "Челси" ва ҳатто "Валенсия"ни бошқарганимда ҳам тўқнаш келганман. Мана энди дербида, "Эвертон" билан уларга қарши майдонга чиқаман. Бу дерби, бу катта баҳс ва биз учун имконият ҳамдир. Биз ушбу ўйин орқали мавсумни қолган қисми учун ўзимизга яхши имконият ҳозирлаймиз. Сўнгги ёмон натижалардан кейин бизга уч очко жуда зарур бўлиб турибди. Буни қила олсак, мавсумда катта ўзгаришларга йўл очган бўламиз. Бизга бунда мухлислар мадади жуда ҳам керак. Агар стадионда яхши атмосфера ярата олсак, ўйлайманки, ғалабага қодир бўламиз. Аммо дербида ҳар нарса содир бўлиши мумкин".
