Bugun Yaypanning "Turon" klubi qarorgohida navbatdan tashqari yig‘ilish bo‘lib o‘tdi. Rahbariyat va ta’sischilar ishtirokida o‘tkazilgan kengaytirilgan yig‘ilishda klub vise-prezidenti lavozimiga turli nomzodlar masalasi ko‘rib chiqildi. Yakuniy qarorga ko‘ra, tojikistonlik futbol faxriysi, taniqli mutaxassis Aleksandr Azimov mazkur lavozimga tayinlandi.
Ma’lumot uchun, Aleksandr Azimov 1961 yili Tojikiston Respublikasida tug‘ilgan. Futbolchilik faoliyati davomida Dushanbening "Pamir", Avstriyaning "WAC Volfsberg", "Austriya Klagenfurt" kabi nomdor klublarda o‘ynagan.
"Tajribali mutaxassisga klubimizdagi faoliyatida omad yor bo‘lishini tilaymiz. "Turon"ga xush kelibsiz Aleksandr Uzakovich!", - deyiladi xabarda.
