Ushbu mavsumda bir necha jamoalar o‘zining avvalgi darajasidagidek o‘yin namoyish eta olmayapti. Buning sababi albatta avlodlar almashinuvi va “mulla jiring”ning kamligiga borib taqaladi. Aslida ushbu mavsum “Barselona” va “Yuventus” kabi ajoyib jamoalarni tanib bo‘lmayapti. Ularda ham pul tugaydi. Balki, ularning inqiroziga ikki buyuk futbolchi jamoani tark etganini sabab qilib ko‘rsatish mumkindir. Lekin ular bilan o‘tkazilgan oxirshi mavsumda xam ikki jamoaning “ oshig‘i olchi” emasdi.  

   "Yuventus"

O‘tgan mavsum “Yuventus” uchun omadsiz kechdi – ular so‘nggi daqiqada Chempionlar ligasi yo‘llanmasini olishga muvaffaq bo‘lishdi. Bu esa ketma-ket to‘qqizta milliy chempionlikdan keyin kuzatilgan holatdir. Rahbariyat yangi bosh murabbiy Andrea Pirloning boshqaruvini muvaffaqiyatsiz deb hisoblab, uni sobiq ustozi Massimo Allegri bilan almashtirdi, vaqtida uning qo‘l ostida “keksa sinyora” Italiyada ham, Yevropada ham ajoyib o‘yinlar namoyish etgan. Biroq, o‘zgarishlar yordam bermadi: A Seriyaning joriy mavsumida “oq-qoralar” yaxshi natija qayd eta olishmayapti.  

Vaqti-vaqti bilan “Yuventus”ning ochko yo‘qotyotganini inqiroz deyish balki xatodir, lekin bu umumiy fonda yaqqol ko‘zga tashlanib qolmoqda. Buni Chempionlar ligasida "Chelsi"dan uchralgan mag‘lubiyat (0:4) orqali yaqqol payqash mumkin. 29-noyabr kuni turinliklar chempionatdagi beshinchi mag‘lubiyatini qabul qilib olgan, o‘sha o‘yinda ular o‘z maydonida “Atalanta”ga imkoniyatni boy bergandi. Muvaffaqiyatsiz 2020/21 yilgi chempionatda “Yuventus” 38 turda 6 ta o‘yinda mag‘lub bo‘lgandi, joriy mavsum 15 uchrashuvda 5 bor boshi egilgan holda maydonni tark etishgan. Bundan tashqari, Italiya prokuraturasi “keksa sinyora” rahbariyatiga jiddiy ayblov qoygan. Prezident Andrea Anellining iste’foga chiqishi hamda 2000 yillardagi dahshatli tushning takrorlanishi - majburiy quyi ligaga ravona qilish va oxirgi ikki skudettodan mahrum qilnishi haqida matbuotda xabarlar tarqalmoqda.

“Barselona”

Ikki jamoada ham inqiroz parallel ravishda boshlandi. Katalon klubining ushbu mavsumdagi ahvoliga xavas qilib bo‘lmaydi. 15-turdan so‘ng, "Barselona" ham chempionatda so‘nggi yillardagi eng yomon startini qayd etib, yettinchi o‘rinni egallab turibdi. Yozda ular o‘zining “o‘zga sayyora”lik futbolchisi bilan xayrlashdi. Kuman bunday qiyin vaziyatda jamoani qutqara olmagach, raxbariyat uning o‘rniga Xavini olib keldi. Qiyinchiliklar, shuningdek, og‘ir moliyaviy ahvol tufayli jamoa 2001 yildan beri birinchi marta Chempionlar Ligasi pley-offiga chiqa olmaslik xavfida qolgan. “Ko‘k-anorranglilar”ning yangi ustozi, tajribasiz mutaxassis oldida buyuk klub qiyofasini saqlab qolishdek eng qiyin vazifa turibdi.

  “Barselona”dagi bir ahvol turinliklarga qaraganda yengilroq. Negaki, ular quyi ligaga ravona bo‘lmaydi. “Yuve” esa shu tomondan jar bo‘sag‘asida turibdi. Lekin kataloniyaliklar Chempionlar ligasi pley-offidan mosivo bo‘lishi mumkin. “Yuventus” esa bu muammoni hal qilgan.

Mirjalol Pardaboyev tayyorladi