"Milan" hujumchisi Zlatan Ibrahimovich PSJ sport direktori bo‘lishni xohlayotganini tan oldi. 40 yoshli shved 2012 yildan 2016 yilgacha parijliklar safida to‘p surgan.
"2021 yilning yozida PSJga sport direktori bo‘lishga taklif qilgandim. Men Nosir Al-Xelayfiyga qo‘ng‘iroq qildim va unga shunday taklif qildim: “Agar “Milan” bilan shartnomamni uzaytirmasam, “PSJ”ga o‘tib, jamoangizda tartib o‘rnataman”. Nosir kuldi, lekin yo‘q demadi.
"PSJ"da hozir 40 nafar futbolchi bor, lekin ularning hech biri asosiy tarkibda o‘ynamasa ham ketishni istamaydi, chunki "u yerda o‘zimizni juda yaxshi his qilyapmiz" deb aytishadi. Agar men klubda bo‘lib sizga pul to‘lasam-u, uni oqlamasangiz, qola olmaysiz”, — deya Ibrahimovich so‘zlaridan iqtibos keltirgan "RMC" nashri.
Eslatib o‘tamiz, 40 yoshli shvedning Milan klubi bilan amaldagi shartnomasi 2021/22 yilgi mavsum oxirigacha mo‘ljallangan. U joriy mavsumda 12 o‘yinda 6 ta gol urdi va 2 ta golli uzatmani amalga oshirdi.
