"Милан" ҳужумчиси Златан Ибраҳимович ПСЖ спорт директори бўлишни хоҳлаётганини тан олди. 40 ёшли швед 2012 йилдан 2016 йилгача парижликлар сафида тўп сурган.
"2021 йилнинг ёзида ПСЖга спорт директори бўлишга таклиф қилгандим. Мен Носир Ал-Хелайфийга қўнғироқ қилдим ва унга шундай таклиф қилдим: “Агар “Милан” билан шартномамни узайтирмасам, “ПСЖ”га ўтиб, жамоангизда тартиб ўрнатаман”. Носир кулди, лекин йўқ демади.
"ПСЖ"да ҳозир 40 нафар футболчи бор, лекин уларнинг ҳеч бири асосий таркибда ўйнамаса ҳам кетишни истамайди, чунки "у ерда ўзимизни жуда яхши ҳис қиляпмиз" деб айтишади. Агар мен клубда бўлиб сизга пул тўласам-у, уни оқламасангиз, қола олмайсиз”, — дея Ибраҳимович сўзларидан иқтибос келтирган "RMC" нашри.
Эслатиб ўтамиз, 40 ёшли шведнинг Милан клуби билан амалдаги шартномаси 2021/22 йилги мавсум охиригача мўлжалланган. У жорий мавсумда 12 ўйинда 6 та гол урди ва 2 та голли узатмани амалга оширди.
