“Tottenxem” bosh murabbiyi Antonio Konte kelajakdagi rejalari haqida gapirdi.
“Biz diqqatimizni jamlashimiz kerak. Jadvalda yuqoriroqqa ko‘tarilishimiz, ochko jamg‘arishimiz zarur. Bizdan oldinda bo‘lgan jamoalarga yaqin bo‘lish juda muhim. Yanvargacha hali uzoq yo‘l bor. Men hali ham butun tarkibni to‘liq baholashim kerak. Oldinda ko‘p o‘yinlar bor va men futbolchilarimga ishonaman. Yanvarda nima qilishimiz kerakligi, jamoani qanday kuchaytirishimiz haqida gapirmayapman. Men shu yerdaman, chunki bu ish men uchun juda qiziq. Men klub bilan katta narsalarga erishmoqchiman.
Qandaydir ishni o‘z zimmangizga olganingizda, hamma narsani to‘g‘ri baholashingiz kerak, his-tuyg‘ularingizni tinglashingiz kerak. Rostini aytsam, “Tottenxem” mening g‘oyalarim, falsafam, ish uchun to‘g‘ri klub ekanligini his qildim. Shuning uchun men rozi bo‘ldim”, dedi Konte BBC’ga bergan intervyusida.
