“Тоттенхэм” бош мураббийи Антонио Конте келажакдаги режалари ҳақида гапирди.

“Биз диққатимизни жамлашимиз керак. Жадвалда юқорироққа кўтарилишимиз, очко жамғаришимиз зарур. Биздан олдинда бўлган жамоаларга яқин бўлиш жуда муҳим. Январгача ҳали узоқ йўл бор. Мен ҳали ҳам бутун таркибни тўлиқ баҳолашим керак. Олдинда кўп ўйинлар бор ва мен футболчиларимга ишонаман. Январда нима қилишимиз кераклиги, жамоани қандай кучайтиришимиз ҳақида гапирмаяпман. Мен шу ердаман, чунки бу иш мен учун жуда қизиқ. Мен клуб билан катта нарсаларга эришмоқчиман. 

Қандайдир ишни ўз зиммангизга олганингизда, ҳамма нарсани тўғри баҳолашингиз керак, ҳис-туйғуларингизни тинглашингиз керак. Ростини айтсам, “Тоттенхэм” менинг ғояларим, фалсафам, иш учун тўғри клуб эканлигини ҳис қилдим. Шунинг учун мен рози бўлдим”, деди Конте BBC’га берган интервьюсида.