Germaniyalik mutaxassis ilk o‘yinidan ilgari matbuot anjumanida va bundan tashqari «Manchester Yunayted» rasmiy kanali uchun intervyu berib quyidagi fikrlarni bildirgan.

Ronaldu haqida
Men uning "Arsenal"ga qarshi o‘yindagi harakatlarini ko‘rdim. Hech qachon 36 yoshdagi futbolchining bunday yuqori darajada o‘ynaganini ko‘rmaganman. U hali ham o‘yinlar taqdiri hal qilishi mumkin bo‘lgan professional. Biroq men faqat Ronaldunigina kuzatmadim, butun jamoani o‘rgandim. Biz turfa xil uslublar qorishib ketgan dunyoning kuchli ligasida o‘ynayapmiz. Tarkibda sifatli futbolchilar ko‘p bo‘lishi muhim. Ko‘rganlarim bo‘yicha aytishim mumkinki, Ronaldu jamoadoshlari yordamida klub uchun borini berishga tayyor.

Kerrik haqida
Men uni klubda olib qolishni istadim. Bir necha soat mobaynida uni bunga ishontirishga urindim, ammo buning iloji bo‘lmadi. Endi yaqin haftalar ichida men jamoaga 2-3 kishini taklif etaman.

O‘yin nazorati haqida
Futbolda o‘yinning borishini nazorat qilish o‘ta muhim. To‘p bilan sen bo‘lasanmi yoki raqibmi farqi yo‘q. Uchrashuvni boshqara bilish lozim. «MYU»da bu bilan muammo bor. Hatto "Uotford"ga qarshi o‘yinda ham nazorat bizda emasdi. Yaqin haftalar ichida shuning ustida ishlaymiz.

Transferlar haqida
Tarkibimizda bizga kerak bo‘lgan saviyali futbolchilar juda ko‘p. O‘ylashimcha, qishki transferlar haqida rahbariyat bilan suhbat bo‘ladi, lekin men ularni eng to‘g‘ri yo‘l deb bilmayman. Tarkibga keladigan futbolchi har tomonlama ustun sifatlarga ega bo‘lishi kerak. Qishda esa bundayini topish oson emas.

Angliya premyer-ligasi. 15-tur
"MANCHESTER YUNAYTED" - "KRISTAL PELAS"
FUTBOL TV. 19:00.