"Borussiya" yarim himoyachisi Aksel Vitsel jamoani tark etishi mumkin, deya xabar beradi jurnalist Nikolo Skira.

Ma’lumotlarga ko‘ra, 32 yoshli belgiyalik futbolchi klub bilan 2022 yilning yozida tugaydigan shartnomasini uzaytirmaydi. Yarim himoyachining agenti futbolchini “Yuventus”ga taklif qilgan. Shuningdek, Vitselga Premyer-liga va MLS klublaridan qiziqish bildirilgan.

Joriy mavsumda yarim himoyachi 21 ta o‘yinda maydonga tushib, samarali harakatlar amalga oshirmagan. "Transfermarkt" portali futbolchining narxini 9 million yevroga baholamoqda.