«Manchester Siti» yarim himoyachisi Rahim Sterling o‘tgan mavsum yakunida yuzaga kelgan psixologik muammolar haqida gapirdi.

«Men qiyin davrni boshdan kechirdim, fikrlarimni jilovlay olmadim. Men bularning barchasini boshdan kechirishim kerak edi.

Faoliyatimda birinchi marta o‘zim xohlagan darajada o‘ynamadim. Men juda xafa bo‘ldim va bizning oldimizda yirik turnir bor edi. Terma jamoadagi o‘yinlarda normal holatga qaytishim kerak edi.

Meditasiya menga aqliy va jismoniy farovonligimni yaxshilashga yordam berdi. Men uni birinchi marta tatib ko‘rganimda, o‘zimni tetik va qoniqarli his qildim. Qanchalik tez-tez meditasiya qilsam, o‘zimni shunchalik yaxshi his qilaman», - deb iqtibos keltiradi The Times Sterling so‘zlaridan.

Joriy mavsumda 26 yoshli angliyalik futbolchi APLda 13 ta o‘yin o‘tkazib, 3 ta gol urdi va 1 ta golli uzatmani amalga oshirdi.