"Barselona" "Bavariya"ga qarshi o‘yindan so‘ng ba’zi futbolchilarining klubni tark etish jarayonini tezlashtiradi, deya xabar beradi "Sport" nashri.

Ma’lumotlarga ko‘ra, Samuyuel Umtiti va Lyuk De Yong jamoadan ketish uchun asosiy nomzodlar, ammo qolgan futbolchilarga yaxshi takliflar bo‘lsa, klub ularni ham ko‘rib chiqadi.

Kechagi Serjinyo Destning o‘yini Xavini xafa qildi. Kataloniya klubi endi futbolchi uchun barcha takliflarni tinglaydi.

Qayd etilishicha, Xavi Samuyuel Umtitiga ishonmaydi. "Barselona" yanvardayoq futbolchidan qutulmoqchi. Agar u yana ketishdan bosh tortsa, klub u bilan shartnomani bekor qilishi mumkin.