Angliya Premyer Ligasining 15-turidan o‘rin olgan bir qator uchrashuvlar 5 dekabr, yakshanba kuni bo‘lib o‘tdi.

«Manchester Yunayted» o‘z uyida «Kristal Pelas»ni qabul qildi. Uchrashuvning birinchi bo‘limida darvozalar daxlsiz qoldi. Ikkinchi bo‘limda ham ustunlik qayd etgan maydon egalari 77-daqiqaga kelib hisobni ochdi: Fred jarima maydoni tashqarisidan darvozani aniq nishonga oldi. Ushbu gol o‘yinda yagonaligicha qoldi.

Ushbu g‘alabadan keyin «Manchester Yunayted» ochkolarini 24 taga yetkazib olgan holda 6-o‘ringa ko‘tarildi.

«Tottenhem» parallel kechgan bahsda «Norvich»ni mehmon qildi. O‘yinning 10-daqiqasida Lukas Moura londonliklarning dastlabki golini urgan bo‘lsa, ikkinchi bo‘limda Devinson Sanches va Son Hyon Minning kiritgan to‘pidan keyin hisob yirik ko‘rinishga keldi.

«Tottenhem» 25 ochko bilan 5-o‘ringni band etib turibdi.

APL, 15-tur
5 dekabr, yakshanba
«Manchester Yunayted» — «Kristal Pelas» 1:0
Gol: 1:0 – 77 Fred.
«Manchester Yunayted»: De Xea, Diogu Dalot, Maguayr, Lindelyof, Telles, Fred, Brunu Fernandesh (van de Bek, 86), Maktominey, Sancho (Grinvud, 62), Ronaldu, Reshford (Elanga, 76).
«Kristal Pelas»: Guaita, Klayn, Tomkins, Gexi, Mitchell, Shlupp, Kuyate (Eze, 84), Gallaher, Ayyu (Olise, 84), Zaha, Benteke (Eduar, 67).
Ogohlantirishlar: Klayn (31), Gexi (67), Maktominey (81), Lindelyof (90).

«Tottenhem» — «Norvich» 3:0
Gollar: 1:0 – 10 Lukas Moura, 2:0 – 67 Sanches, 3:0 – 77 Son Hyon Min.
«Tottenhem»: Lyoris, Tanganga (Doerti, 62), Dayer, Devis, Sanches, Regilon (Sessenyon, 22), Hyoybyerg, Skipp, Son Hyon Min, Lukas Moura (Bergveyn, 80), Keyn.
«Norvich»: Krul, Aarons, Henli, Gibson, Omobamidele, Uilyams, Maklin, Le-Melu (Dauell, 72), Gilmor (Sorensen, 81), Pukki, Ida (Sarjent, 69).
Ogohlantirishlar: Pukki (14), Regilon (16), Gilmor (34).