Англия Премьер Лигасининг 15-туридан ўрин олган бир қатор учрашувлар 5 декабрь, якшанба куни бўлиб ўтди.

«Манчестер Юнайтед» ўз уйида «Кристал Пэлас»ни қабул қилди. Учрашувнинг биринчи бўлимида дарвозалар дахлсиз қолди. Иккинчи бўлимда ҳам устунлик қайд этган майдон эгалари 77-дақиқага келиб ҳисобни очди: Фред жарима майдони ташқарисидан дарвозани аниқ нишонга олди. Ушбу гол ўйинда ягоналигича қолди.

Ушбу ғалабадан кейин «Манчестер Юнайтед» очколарини 24 тага етказиб олган ҳолда 6-ўринга кўтарилди.

«Тоттенҳэм» параллел кечган баҳсда «Норвич»ни меҳмон қилди. Ўйиннинг 10-дақиқасида Лукас Моура лондонликларнинг дастлабки голини урган бўлса, иккинчи бўлимда Девинсон Санчес ва Сон Ҳён Миннинг киритган тўпидан кейин ҳисоб йирик кўринишга келди.

«Тоттенҳэм» 25 очко билан 5-ўрингни банд этиб турибди.

АПЛ, 15-тур
5 декабрь, якшанба
«Манчестер Юнайтед» — «Кристал Пэлас» 1:0
Гол: 1:0 – 77 Фред.
«Манчестер Юнайтед»: Де Хеа, Диогу Далот, Магуайр, Линдельоф, Теллес, Фред, Бруну Фернандеш (ван де Бек, 86), Мактоминей, Санчо (Гринвуд, 62), Роналду, Рэшфорд (Эланга, 76).
«Кристал Пэлас»: Гуаита, Клайн, Томкинс, Гехи, Митчелл, Шлупп, Куяте (Эзе, 84), Галлаҳер, Айю (Олисе, 84), Заҳа, Бентеке (Эдуар, 67).
Огоҳлантиришлар: Клайн (31), Гехи (67), Мактоминей (81), Линдельоф (90).

«Тоттенҳэм» — «Норвич» 3:0
Голлар: 1:0 – 10 Лукас Моура, 2:0 – 67 Санчес, 3:0 – 77 Сон Ҳён Мин.
«Тоттенҳэм»: Льорис, Танганга (Доэрти, 62), Дайер, Дэвис, Санчес, Регилон (Сессеньон, 22), Ҳёйбьерг, Скипп, Сон Ҳён Мин, Лукас Моура (Бергвейн, 80), Кейн.
«Норвич»: Крул, Ааронс, Ҳенли, Гибсон, Омобамиделе, Уильямс, Маклин, Ле-Мелу (Дауэлл, 72), Гилмор (Соренсен, 81), Пукки, Ида (Саржент, 69).
Огоҳлантиришлар: Пукки (14), Регилон (16), Гилмор (34).