"Tottenxem" darvozaboni Ugo Lyoris klub bilan shartnomasini uzaytirishi mumkin.
"The Athletic" nashri xabar qilishicha, futbolchi va klub o‘rtasidagi muzokaralar allaqachon boshlangan va kelasi oydan faol bosqichga o‘tadi. Aynan yanvar oyidan boshlab fransuz boshqa klublar bilan muzokara olib borishi mumkin bo‘ladi.
Oldinroq “Tottenxem” bosh murabbiyi Antonio Konte Lyorisni jamoada olib qolmoqchi ekani haqida xabar berilgandi.
34 yoshli darvozabonning amaldagi shartnomasi 2022 yilning 30 iyuniga qadar amal qiladi.
2021/22 yilgi mavsumda Lyoris "shporlar" safida barcha turnirlarda 15 ta o‘yin o‘tkazib, 18 ta gol qo‘yib yubordi va 6 ta quruq o‘yin namoyish etdi.
