"Тоттенхэм" дарвозабони Уго Льорис клуб билан шартномасини узайтириши мумкин.
"The Athletic" нашри хабар қилишича, футболчи ва клуб ўртасидаги музокаралар аллақачон бошланган ва келаси ойдан фаол босқичга ўтади. Айнан январь ойидан бошлаб француз бошқа клублар билан музокара олиб бориши мумкин бўлади.
Олдинроқ “Тоттенхэм” бош мураббийи Антонио Конте Льорисни жамоада олиб қолмоқчи экани ҳақида хабар берилганди.
34 ёшли дарвозабоннинг амалдаги шартномаси 2022 йилнинг 30 июнига қадар амал қилади.
2021/22 йилги мавсумда Льорис "шпорлар" сафида барча турнирларда 15 та ўйин ўтказиб, 18 та гол қўйиб юборди ва 6 та қуруқ ўйин намойиш этди.
