«Roma»ning sobiq hujumchisi Franchesko Totti Rim klubi bosh murabbiyi Joze Mourinyoni qo‘llab-quvvatladi.

«Roma» haqida gapirganimda har doim kuchli his-tuyg‘ularni his qilaman. Hozir jamoa uchun eng yaxshi vaqt emas, lekin agar bunga chiday olmasangiz, o‘zingizni klub muxlisi deb atashga haqqingiz yo‘q.

Men Mourinyoga vaqt berish kerak deb hisoblayman. Ishonamanki, u muxlislarni xursand qilishni xohlaydi. Lekin unga sovrinlar yutish uchun kuchli futbolchilar kerak. Bu gaplarni aytib, hozirgi futbolchilarni xafa qilmoqchi emasman, lekin ular orasida chempionlarni ko‘rmayapman. Bu shunchaki yaxshi jamoa, agar qulay sharoitlar bo‘lsa, muvaffaqiyatga erisha oladi», - iqtibos keltiradi Totti so‘zlaridan Football Italia nashri.