"Manchester Yunayted" klubi futbolchisi Diogu Dalot o‘z niyati haqida fikr bildirdi. U bu haqda shunday deydi:
"Men bu yerga o‘ynash uchun kelganman. Agar siz asosiy o‘n bittalikdan uzoqda bo‘lsangiz va o‘zingiz istagandek o‘ynay olmasangiz, qiynalasiz. Ammo bizning kasb har qanday vaziyatda ham tayyorgarlikda bo‘lishni talab qiladi. O‘ylaymanki, asosiy tarkibga kirish uchun maydon tashqarisida juda qattiq tirishib harakat qildim. Imkoniyat taqdim etilganida esa undan foydalanishni bilish kerak. Hozir men ham shunday qilmoqdaman. Maydondaligimda jamoam uchun borimni berishga tayyorman".
Eslatib o‘tamiz, Dalot 2018 yilda "Portu"dan xarid qilingan edi. U hozirga qadar "MYU" safida 44 marta maydonga tushirilgan.
