Robert Levandovskining “Bavariya” bilan amaldagi shartnomasi 2023 yilning iyunigacha mo‘ljallangan. Myunxenliklar polyakni yana bir mavsumdan ortiq yuqori saviyali o‘yin namoyish eta olishini anglab, uzoqroq muddatga saqlab qolishni kutishmoqda. Ammo Levandovskining shartnomasini uzaytirish borasida muammo bor, bu haqda “Abendzeitung” gazetasi yozmoqda. Manba bergan xabarga ko‘ra, gap “Bavariya” rahbariyati va polshalik hujumchining agenti Pini Zaxavi o‘rtasidagi ziddiyat haqida ketmoqda.
Zaxavi yaqinda “Bavariya”ni tark etgan David Alabaning ham matbuot kotibi hisoblanadi. O‘z vaqtida agent Myunxen klubi rahbariyatini Alaba haqidagi gaplari uchun qoralagandi.
Qayd etilishicha, “Bavariya” hech qachon Erling Xolandni sotib olish g‘oyasini jiddiy qabul qilmagan. Sababi, bunday narxdagi futbolchi klubning rejasiga kiritilmagan.
