Роберт Левандовскининг “Бавария” билан амалдаги шартномаси 2023 йилнинг июнигача мўлжалланган. Мюнхенликлар польякни яна бир мавсумдан ортиқ юқори савияли ўйин намойиш эта олишини англаб, узоқроқ муддатга сақлаб қолишни кутишмоқда. Аммо Левандовскининг шартномасини узайтириш борасида муаммо бор, бу ҳақда “Abendzeitung” газетаси ёзмоқда. Манба берган хабарга кўра, гап “Бавария” раҳбарияти ва польшалик ҳужумчининг агенти Пини Захави ўртасидаги зиддият ҳақида кетмоқда.
Захави яқинда “Бавария”ни тарк этган Давид Алабанинг ҳам матбуот котиби ҳисобланади. Ўз вақтида агент Мюнхен клуби раҳбариятини Алаба ҳақидаги гаплари учун қоралаганди.
Қайд этилишича, “Бавария” ҳеч қачон Эрлинг Холандни сотиб олиш ғоясини жиддий қабул қилмаган. Сабаби, бундай нархдаги футболчи клубнинг режасига киритилмаган.
