"PSJ" hujumchisi Kilian Mbappe Chempionlar ligasida 30 ta gol urgan eng yosh futbolchiga aylandi.
Forvard guruh bosqichining 6-turida “Bryugge”ga qarshi o‘yinda dubl qayd etdi va 22 yoshu 325 kunligida 30 ta gol urgan eng yosh futbolchiga aylandi. Bu ko‘rsatkich bo‘yicha u jamoadoshi Lionel Messining rekordini yangiladi, u bu ko‘rsatkichga 23 yoshu 131 kunligida erishgan edi.
Joriy mavsumda 22 yoshli Mbappe "PSJ" safida barcha turnirlarda 22 ta o‘yin o‘tkazib, 11 ta gol urdi va 13 ta golli uzatmani amalga oshirdi. Uning klub bilan shartnomasi 2022 yilning yoziga qadar amal qiladi.
