"ПСЖ" ҳужумчиси Килиан Мбаппе Чемпионлар лигасида 30 та гол урган энг ёш футболчига айланди.

Форвард гуруҳ босқичининг 6-турида “Брюгге”га қарши ўйинда дубль қайд этди ва 22 ёшу 325 кунлигида 30 та гол урган энг ёш футболчига айланди. Бу кўрсаткич бўйича у жамоадоши Лионель Мессининг рекордини янгилади, у бу кўрсаткичга 23 ёшу 131 кунлигида эришган эди.

Жорий мавсумда 22 ёшли Мбаппе "ПСЖ" сафида барча турнирларда 22 та ўйин ўтказиб, 11 та гол урди ва 13 та голли узатмани амалга оширди. Унинг клуб билан шартномаси 2022 йилнинг ёзига қадар амал қилади.