"Milan" bosh murabbiyi Stefano Pioli Chempionlar ligasining 6-turida "Liverpul"dan uchralgan mag‘lubiyatdan so‘ng muxlislar qo‘llab-quvvatlaganini alohida qayd etdi. Uning fikricha, guruhdagi olti uchrashuv “rossonerilar”ga ko‘p narsani o‘rgatgan.
“Ushbu muhitda o‘ynash ajoyib edi. Biz muxlislarimizni xursand qilmoqchi edik. Muvaffaqiyatga erisha olmadik, ammo bu olti o‘yinda ko‘p narsani o‘rgandik. Bugun biz boshqacha o‘yin ko‘rsatib, boshqacha natijaga erishmoqchi edik", - dedi mutaxassis UEFA matbuot xizmatiga bergan intervyusida.
