"Милан" бош мураббийи Стефано Пиоли Чемпионлар лигасининг 6-турида "Ливерпуль"дан учралган мағлубиятдан сўнг мухлислар қўллаб-қувватлаганини алоҳида қайд этди. Унинг фикрича, гуруҳдаги олти учрашув “россонерилар”га кўп нарсани ўргатган.
“Ушбу муҳитда ўйнаш ажойиб эди. Биз мухлисларимизни хурсанд қилмоқчи эдик. Муваффақиятга эриша олмадик, аммо бу олти ўйинда кўп нарсани ўргандик. Бугун биз бошқача ўйин кўрсатиб, бошқача натижага эришмоқчи эдик", - деди мутахассис УЕФА матбуот хизматига берган интервьюсида.