"Atletiko" hujumchisi Luis Suares Chempionlar ligasi guruh bosqichining so‘nggi turida "Portu"ga qarshi o‘yinning 13-daqiqasida maydonni tark etishga majbur bo‘ldi.
Urugvaylik futbolchi jarohat oldi. Xabar berganimizdek, Suares mushaklaridagi noqulaylik tufayli o‘yindagi ishtirokini muddatidan avval yakunlashga majbur bo‘lgan. Hozircha jarohat qay darajada jiddiyligi haqida ma’lumot yo‘q.
Eslatib o‘tamiz, "Atletiko" "Portu"ni 3:1 hisobida mag‘lub etib, Chempionlar ligasi pley-off bosqichiga yo‘l oldi.
