Rio Ferdinand "Liverpul" futbolchisi Divok Origini "MYU" qahramonlari bilan solishtirdi. U shunday deydi:
"Divok maydondagi omadsizlik uchun xafa bo‘lmaydi. U qayta-qayta harakat qilaveradi. Men Chicharito va Sulsher bilan to‘p surganman. Ularni hamma yoqtirar edi. Sizga aynan shunday, zahiradan tushib, o‘yinga ta’sir qila oladigan futbolchilar zarur. Klub ichida Origini yaxshi ko‘radigan futbolchilar ko‘p. U o‘yinga tezda ta’sir qila olish qobiliyatiga ega. Shu sabab uni "MYU"dagi sheriklarimga o‘xshataman".
Eslatib o‘tamiz, "Liverpul" keyingi turda "Aston Villa"ni mehmon qiladi.
