«Inter» himoyachisi Denzel Damfris «Real»ga qarshi Chempionlar ligasi o‘yinidan so‘ng jurnalistlarga o‘z fikrlarini bildirib o‘tdi. «Neradzurri» 0:2 hisobida mag‘lub bo‘ldi va ikkinchi o‘rindan Chempionlar ligasining 1/8 finaliga yo‘l oldi.

«Birinchi bo‘limni yaxshi o‘tkazdik, vaziyatlar yaratdik, ammo, afsuski, amalga oshirilmagan vaziyatlar bizni tushkunlikka solib qo‘ydi.

Ikkinchi bo‘limda bizga qiyinroq bo‘ldi, ayniqsa Barella maydondan chetlatilganidan keyin. Qanday bo‘lmasin, Madriddagi o‘yin bizning imkoniyatlarimizga ishonchni oshiradi. «Inter» to‘g‘ri yo‘lda. Biz kelajakka optimistik qaraymiz», - deya Damfris so‘zlarini keltiradi UEFA matbuot xizmati.

Qo‘shimcha qilamizki, milanliklar 9 yil ichida birinchi marta Chempionlar ligasi pley-off bosqichiga chiqishdi.