“Manchester Yunayted” yangi bosh murabbiyi Ralf Rangnik Angliyadagi yurishini “Kristal Pelas” ustidan qozonilgan g‘alaba bilan boshladi, ammo o‘yinning yangi prinsiplari ancha muhimroq. Nemis murabbiyi birinchi o‘yindayoq o‘z g‘oyalarini butun dunyoga ko‘rsatdi. Yangi sxema, raqibga bosim qilish. Matbuot anjumanidagi fikrlari va Yevropa matbuoti ma’lumotlariga asoslanib, Rangnik yaqin kelajakda jamoadan ketkizishga harakat qiladigan futbolchilar ro‘yxatini tuzib chiqildi. Biz nemis mutaxassisi uchun qaysi futbolchi umuman foydali emasligini tahlil qilishga harakat qilamiz.
Pol Pogba
Pogbaning transferi haqidagi mish-mishlar bir yildan ko‘proq vaqtdan beri davom etmoqda. Fransuz MYUga qo‘shilgandan beri deyarli har bir uchrashuvda, shunchaki vaqt o‘tkazish uchun o‘ynagandek taassurot qoldirdi. U bir-ikki uchrashuvlarni yuqori saviyada o‘tkazgan bo‘lsa-da, jamoa rahbariyatidan Kevin de Bryuynenidan-da ko‘proq maosh so‘radi. Pogba hatto Sulsher tizimida ham klubga begona futbolchi edi. Endi u mazkur tizimdan butunlay chiqib ketishi kutilmoqda.
“Kristal Pelas”ga qarshi o‘yinda “Yunayted” 4-2-4 ko‘rinishidagi taktik sxemada pressingga boy o‘yin namoyish etdi.
Ralfning maqsadini u amalga oshirishi mumkin bo‘lgan transferlaridan ham tushunishingiz mumkin. Yangi murabbiyning asosiy maqsadlaridan biri – “Leypsig”ning markaziy yarimhimoyachi Amadu Aydara. 23 yoshli malilik futbolchi Rangnikning o‘yin uslubini tushunadi va Premyer-liga darajasida o‘ynashga tayyor. Pogba esa katta ehtimol bilan mavsum oxirigacha o‘ynaydi va erkin agent sifatida boshqa klubga o‘tadi.
Antoni Marsyal
Franuuz “Yunayted” tarixidagi eng tushunarsiz xaridlardan biri hisoblanadi. Uni jamoaga eng iqtidorli o‘yinchilaridan biri sifatida olib kelishdi va yakunda... Shu bilan birga, Marsyal har doim yomon o‘ynagan deb aytish mumkin emas, lekin hozir uni jamoada olib qoladigan hech qanday sabab yo‘q.
Reshford, Sancho va Grinvud “Yunayted”ning asosiy futbolchilari bo‘lishi kerak. Shuningdek, MYU rahbariyati klubda katta maoshga ega zahira futbolchini saqlashni xohlamaydilar. Nazariy jihatdan, fransiyalik futbolchi “Old Trafford” egalarining shonli uyg‘onish davridan omon qolishini taxmin qilishingiz mumkin, ammo futbolchining namoyish etayotgan o‘yinidan shuni taxmin qilish mumkinki, Marsyal ketishi kerak.
Edinson Kavani
Urugvaylik ajoyib professional, har doim o‘zi o‘ynagan jamoalarga foyda keltiradi, ammo 35 yoshga to‘lishi arafasida katta klubdan ketish haqida o‘ylash vaqti keldi. Kavani avvaliga zaxira o‘rindig‘ida qolishdan xafa bo‘ldi, keyin jarohat oldi. Urugvaylik futbolchi butun o‘yin davomida bosim ostida o‘ynashga tayyor, biroq u hech qanday sharoitda Krishtianu Ronalduni zaxira futbolchisiga aylantirib, jamoaning asosiy xujumchisiga aylana olmaydi. Taxminlarga ko‘ra, Kavani transferi yanvar oyida amalga oshishi mumkin. Aytgancha, “Barselona” Kavanini ham, Marsyalni ham sotib olishga tayyorligi haqida xabarlar tarqalgan.
Xuan Mata
Ispan futbolchi vatanigaqaytishi haqidagi xabarlar tez-tez matbuotda ko‘zga tashlanmoqda. Haqiqatdan ham Matani MYUdan ketadigan vaqti bo‘ldi. O‘tgan mavsumda futbolchi bilan shartnomaning yangilanishi g‘alati holat edi. Sababi, o‘tgan mavsumda Xuan deyarli o‘ynamagan edi. Joriy mavsumda esa futbolchi bir daqiqa o‘ynadi.
Nemanya Matich
“Manchester Yunayted”dagi serb futbolchisi “Chelsi”da ko‘rsatgan o‘yini yarmini ham namoyish etmadi. U o‘tgan yilning yanvar oyida klubni tark etishi kerak edi, ammo kadrlar bilan bog‘liq inqiroz tufayli u jamoaga qaytdi. 33 yoshda, tezlik, chidamlilik va kelajakning yo‘qligi futbolchi minusiga ishlaydi. Rangnik bunday futbolchini o‘z jamoasida ko‘rishni istamasa kerak.
Donni van de Bek
Van de Bek “Manchester Yunayted”ning hozirgi tarkibidagi eng sirli futbolchi hisoblanadi. Donni “Ayaks”da qanchalik yaxshi o‘yin ko‘rsatganini hamma eslaydi, ammo “Old Trafford”da gollandiyalik futbolchining omadi kelmayapti. Donni hujumkor futbol ko‘rsatishda Fernandeshga yutqazmoqda, Gollandiyalik futbolchi uchun qayg‘uli signal – “Kristal Pelas” bilan o‘yin. Uchrashuvning oxirida bir necha daqiqa o‘ynagan Van de Bekka nemis mutaxassisining ham ishonishi qiyin. Karyera boshlash vaqti keldi, Donni.
