"Lester Siti" futbolchilari va murabbiylar shtabi vakillarida koronavirus aniqlandi. Bu haqida jamoa bosh murabbiyi Brenden Rojers ma’lum qildi:
"Bizda jami 7ta holat aniqlandi. Ularning ba’zilari futbolchilar. ba’zilar esa murabbiylar. Virus bilan bog‘liq holat yuz berishi ancha achinarli hol, albatta. Ammo bu yerda gap jamoa futbolchilarining sog‘lig‘i haqida ketmoqda. Shunday ekan, biz bu masalaga jiddiy qarashga majburmiz. Biz Italiyaga safar qilamiz. Chunki bizda haliyam kuchli tarkib mavjud. To‘g‘ri, to‘liq emas, ammo o‘ynasak bo‘ladi".
Hozircha, aynan qaysi futbolchilarning kasallangani ma’lum qilinmagan. "Lester" mehmonda "Napoli" bilan to‘qnash keladi. Bunda Rojers jamoasini durang ham pley-offga olib chiqadi.
