"Лестер Сити" футболчилари ва мураббийлар штаби вакилларида коронавирус аниқланди. Бу ҳақида жамоа бош мураббийи Бренден Рожерс маълум қилди:
"Бизда жами 7та ҳолат аниқланди. Уларнинг баъзилари футболчилар. баъзилар эса мураббийлар. Вирус билан боғлиқ ҳолат юз бериши анча ачинарли ҳол, албатта. Аммо бу ерда гап жамоа футболчиларининг соғлиғи ҳақида кетмоқда. Шундай экан, биз бу масалага жиддий қарашга мажбурмиз. Биз Италияга сафар қиламиз. Чунки бизда ҳалиям кучли таркиб мавжуд. Тўғри, тўлиқ эмас, аммо ўйнасак бўлади".
Ҳозирча, айнан қайси футболчиларнинг касаллангани маълум қилинмаган. "Лестер" меҳмонда "Наполи" билан тўқнаш келади. Бунда Рожерс жамоасини дуранг ҳам плей-оффга олиб чиқади.
