Dortmundning “Borussiya” klubi vakillari “Zalsburg”ning 19 yoshli hujumchisi Karim Adeyemining agenti bilan aloqada bo‘lib turibdi. Bu haqda taniqli jurnalist Fabrisio Romano xabar bermoqda.
Qayd etilishicha, “Borussiya” kelasi yozda Adeyemini sotib olishga jiddiy qaramoqda. Karim nemis klubi uchun ustuvor transfer maqsadiga aylandi.
Avvalroq, Adeyemi “Barselona”ga o‘tishi mumkinligi bilan bog‘liq xabarlar tarqalgan edi. Biroq bir kun avval Karim faoliyatini Germaniya Bundesligasida davom ettirmoqchi bo‘lgani uchun “Barsa”ga o‘tishdan bosh tortgani haqida ma’lumot paydo bo‘ldi.
