Ispan matbuotida Joau Felishning kelajagi jiddiy muhokama qilinmoqda. Portugaliyalik futbolchi Madridda o‘z o‘rnini topib keta olmayapti.
«Matraschilar» hujumchisi Grizmann o‘z jamoadoshi haqida fikr bildirdi.
«Menimcha, u jamoada baxtli. Uning tabassum qilganini hammamiz «Portu»ga qarshi o‘yinda ko‘rdik.
Aytishim mumkinki, zaxirada o‘tirish doim qiyin. «Barselona»da bu meni ko‘p marta qiynagan. Maydondagilarni unutmaslik va ularga yordam berish muhim», - deya tushuntiradi Grizmann.
Ma’lumot uchun, Felish La Liganing sakkiz o‘yinida ikkita gol urishga muvaffaq bo‘ldi.
