"Barselona"ning fransiyalik hujumchisi, ayni damda "Atletiko"da ijarada o‘ynayotgan Antuan Grizmann "Real"ga qarshi Madrid derbisidan avval fikrlari bilan o‘rtoqlashdi.
"Biz doimo derbida o‘ynashni yaxshi ko‘ramiz. Muxlislarimiz uchun, o‘zimiz uchun, klub uchun... Bu o‘yinda bor kuchimni maydonda tashlab ketmoqchiman. Bunday uchrashuvlar har doim katta ahamiyatga ega.
"Real"ga qarshi o‘yin chempionlik taqdirini hal qiladi deb o‘ylamayman. Mavsum hali juda uzoq davom etadi, biz endi dekabr oyidamiz. Oldinda hali ko‘p o‘yinlar bor, hammasi biz uchun yaxshi bo‘lishi mumkin. Yakshanba kuni g‘alaba qozonishga harakat qilamiz. Keling, keyin nima bo‘lishini ko‘ramiz.
Xuddi shu ruhda o‘ynashda davom etishim kerak, bu hali boshlanishi. Men bu yerga katta istak bilan keldim. Men maydonda ham, maydon tashqarisida ham barchaga namuna bo‘lishim kerak. Men to‘g‘ri yo‘ldaman deb o‘ylayman. Biz ishlashda davom etishimiz kerak”, - dedi Grizmann "Movistar" telekanaliga bergan intervyusida.
