«Yuventus» «Manchester Yunayted» hujumchisi Edinson Kavaniga qiziqish bildirmoqda.

Football Italia xabariga ko‘ra, Turin klubi 34 yoshli urugvaylik futbolchini qishki transferlar vaqtida o‘z safiga qo‘shib olish niyatida.

Shuningdek, «Yuventus» Dushan Vlahovich («Fiorentina») va Janluka Skamakka («Sassuolo»)ga ham qiziqish bildirmoqda.

Qayd etilishicha, Kavanining o‘zi o‘yin amaliyoti kamligi tufayli klubini o‘zgartirmoqchi.

Ma’lumot uchun, Kavani joriy mavsumda 8 o‘yinda 1 ta gol va 1 ta golli uzatma muallifiga aylandi.