“Barselona” qishki transferlar vaqtida hujumchi Ansu Fati, yarim himoyachilar Gavi va Niko Gonsalesni sotmasligi aniq. Bu haqda Kataloniyaning "TV3" telekanali xabar berdi.
Ma’lumotlarga ko‘ra, Kataloniya klubi yanvar oyida yaxshi taklif tushsa Ronald Arauxo, Frenki de Yong va Serjinyo Destni sotishga tayyor. Fati, Gavi va Nikolar esa bundan mustasno, ular boshqa klublardan juda qulay shartlarda shartnoma taklif qilinsa ham sotilmaydi.
Avvalroq “Barselona” bosh murabbiyi Xavi klubda moliyaviy muammolar borligini, ammo qishki transfer oynasida rahbariyat tarkibni kuchaytirish ustida ish olib borishini aytgandi.
