“Барселона” қишки трансферлар вақтида ҳужумчи Ансу Фати, ярим ҳимоячилар Гави ва Нико Гонсалесни сотмаслиги аниқ. Бу ҳақда Каталониянинг "TV3" телеканали хабар берди.
Маълумотларга кўра, Каталония клуби январь ойида яхши таклиф тушса Роналд Араухо, Френки де Йонг ва Сержиньо Дестни сотишга тайёр. Фати, Гави ва Николар эса бундан мустасно, улар бошқа клублардан жуда қулай шартларда шартнома таклиф қилинса ҳам сотилмайди.
Аввалроқ “Барселона” бош мураббийи Хави клубда молиявий муаммолар борлигини, аммо қишки трансфер ойнасида раҳбарият таркибни кучайтириш устида иш олиб боришини айтганди.
